Welcome to The Islamic Page of Somali News Network
Home
About Us
World News
Somali News
Africa
Middle East
Diinta
Contact us
Related Links
Islamic Links
 
Arabic Links
 
Eglish Links
 
 
 
 
 
 
 
 
 

 

LABADA JID HA KALA CADAADEEN
<Jidka toosan iyo ka qalloocaa>
.

Ilaahay isagoo (S.W) inoo cadeynaya doodda iyo Muranka lagala hor imanayo Rususha iyo kuwa dhanbaalladooda sida, Rasuulkana gaar ahaan ugu sheegayey iney tahay caadada cadawgu (iney la murmaan oo beeniyaan waxyiga Eebbe) kana doortaan hanuunka Eebbe Baadida Naftooda iyo hungurigooda, waxa uu u caddeeyey Hababkay u beeninayaan ulana Dagaallamayaan Islaamka, taas oo lagu dejinayo Rasuulku inaanu ka murugoon beenintaa.

Waxa uu ilaahay Aayadaha dabayaaqadooda ku faahfaahiyey waxa uu uga jeedo soo dejinta iyo caddeynta xeeladaha Cadawga kuna yidhi (( si ay u muuqato waddada danbiilayaashu)) 55/Ancaam.

Sheekha Tafsiirka ee "Ibnu kasiir" isagoo aayadan sharax ka bixinaya wuxuu yidhi:
Waxa loo caddeeyey colaaddooda<< si ay u muuqdaan una soo banbaxaan kuwa khilaafsan hanuunka Rasuulka>>.
(Manhajka Qur'aanku kuma koobna inuu Caddeeyo xaqqa iyo inuu soo saaro xaqiiqooyinkiisa oo qudha, si ay ugu muuqato kuwa hanuunsan dariiqooda oo qudhi- wuxuse ku darsadey "manhajka Qur'aanku"inuu caddeeyo Baadilka , shaacana ka qaado , si ay u muuqato jidka <habka iyo dariiqa>kuwa lunsan sidoo kale).

(Caddeynta dariiqa kuwa danbiilayaashu waa arrin lagama maarmaan ah si ay u cadaato dariiqa toosan ee mu'miniintu) taasuna waa khadka lagu kala saarayo, lana cadeynayo halkey ku kala leexsan yihiin)4)

Waxa Aayadaha loogu caddeynayaa loolana kala dhidhigayaa waa:
- Si ay mu'miniinta ugu caddaato kuwa la coloytamayaa iyo danbiilayaasha kala duwani.
- Si naftooda ay ugu sugnaato , uguna kala caddaato labada waddo iyo waxay ku kala duwan yihiin.

(Waxa lagama maarmaan ah in la ogaado wadiiqooyinka iyo xeeladahay innoo soo marayaan kuwa doonaya iney inna dhalan gadiyaan dhar kalena inoo xidhaan. si ay ugu kala cadaato dadka, loogana fogaado dhagarta iyo midabadeeda looga dhigayo Bulshada iney tahay ta hanuunsan)5) taasuna waa ujeedda iyo Faa'iidada ugu weyn ee qoraalku ku baraarujinayo intii moogganeyd, kuwa hurdana ku toosinayo, kuwa soo jeedana ku sii adkeynayo6)
Arrinkaa caddeynta cadawga isagoo ka hadlaya caalinka "Ibnul-qayim" wuxuu yidhi <<kuwa Ilaahay yaqaanna iyo kitaabkiisa, kuna dhaqma diinta, waxay ogaadeen waddada mu'miniinta, una barteen si sharraxan 6) -ogaadeenna waddada danbiilayaasha si faahfaahsan waxaana u kala caddaatey labada waddo, sida uu qofka ujeedada lihi u garanayo halkuu ku socdo iyo meelaha dhibtu uga imaneyso ee uu ku halaagsamayo. kuwan labada dariiq kala ogaadey waa kuwa ugu cilmiga badan addoomaha, Dadkana ugu faa'iideyn badan, uguna waanin og, waana kuwa dariiqa dadka kala tusaya, xagga wanaagsanna u tilmaamaya una hanuunnaya>>7)

** Qofka aan kala ogeyn ama u kala caddaan Xaqqa iyo Baadilku, Dadka Hanuunka iyo kuwa baadidu:

-Waxay qarka u saaran yihiin iney lumaan iyagoon ogeyn.
- Waxay ku jiraan shaki joogta ah oo is hirdi ka muuqdo.
- Waxaaney ku dhex lumayaan meel cidla ah oon looga ciidamin karin.

** dhibaatada ogaansho la'aanta Cadawga iyo aragtiyadiisa waxa ka dhalanaya dhibaato badan oo u keeni karta Bulshada dumitaan, Islaamkana la coleytamo iyo dadkiisa, kuna eedeeyo waxaanu cilmi iyo aqoon u lahayn siduu cumar binu khadaab yidhi: (waxa islaamka burburin doona midaan garan dhibta jaahiliga) <<Islaamka waa la burburin doonaa marka ay ku dhex kacdoomaan qaar aan garaneyn dhibta Islaam la'aanta>> oo ah dhamaan cidii diidan Xaqqa iyo hanuunka Rabbi) M.Qudub

Taasuna waxay ku tusineysaa fahanka dheer ee cumar u lahaa Islaamka, Aqoon dhaba oo uu ka fahmey xaqiiqda dadka iyo Diinta, (inuu ku tilmaamey kuwa Islaamka Burburin doona- ama burburintiisa loo soo mari doono- iney yihiin kuwa ka moogan:
-Xaqiiqda iyo Xumaanta Hanuunka ka soo horjeeda.
-Waxa ay kala yihiin (Islaamka iyo waddooyinka kale ee Jaahiligu)

Qoraalkuna waxa uu u socdaa kuna biyo shubmayaa cadeynta Cadawga iyo hababkiisa kala duwan, innagoo isku dayi doonna ineynu ku iftiiminno Qur'aanka iyo Dhacdooyinka ina soo marey oo aynu ka shidaal qaadan doonno qawaacidda u degsan Hanuunka Rabbi.

* * * * *

Source: Altaqwaa

Kulan diineedkii saddexda maalmood ka socdey magaalada Minneapolis

Baaq ay shirka ka soo saareen Golaha Imaamyada Waqooyiga Ameerika.September 29, 2003

                                                                                  
webmaster@snnnews.net
|Home||About Us ||Contact Us ||Conditions of Use| |Privacy Notice| 2002-2004, Somali News Network Inc.